“შევეგუო თუ დავშორდე”? – წერილი რედაქციაში

“იზოლაციის დროს მე და ჩემი ქმარი მეზობლებივით ვცხოვრობდით – მე ჩემთვის ვიყავი, ის კი მუდამ ტელეფონში იყო ჩარგული და აშკარად არ ქონდა საქმიანი მიმოწერა. როცა დავინტერესდი და ვკითხე, ის გაბრაზდა, დამნაშავედ ვიგრძენი თავი. საქმე იმაშია, რომ ეს დამოკიდებულება დღემდე გრძელდება. ნათელია, რომ ის ჩემ მიმართ გულგრილი გახდა, საერთოდ ვეღარ მამჩნევს.. არადა, მხოლოდ 3 წელია ცოლ-ქმარი ვართ”…

ნინო 28 წლის

ფსიქოლოგის პასუხი:

თქვენი წერილი ცოტათი ბუნდოვანია და ფაქტებს არ ასახავს. აქ მხოლოდ თქვენი ემოცია ჩანს და თქვენ არ ხართ გამონაკლისი – ამ რთულ სიტუაციაში და იმ ფონზე რაც ხდება მსოფლიოში, ბევრ ოჯახში მიიძინა ემოციებმა და ყურადღება მთავარზე გადავიდა.

თქვენ არ გაქვთ არანაირი ფაქტი ღალატის. აღნიშნეთ, რომ 3 წელია დაქორწინებულები ხართ. ამ დროს წყვილები ბუნებრივ კრიზისს განიცდიან. ასე რომ, გირჩევდით, ახლა არ განიხილოთ ეს თემა. დააკვირდით ურთიერთობას, გააანალიზეთ და ეცადეთ, კვლავ გააღვიძოთ გრძნობა. საყოველთაო სტრესის ფონზე არ გირჩევდით რადიკალური გადაწყვეტილების მიღებას.

Share on facebook
Share on twitter
Share on linkedin
მსგავსი სიახლეები