როგორ აისახება მუსიკა ბავშვის ტვინზე და რატომ არის აუცილებელი ვუმღეროთ ძილისწინ?

მუსიკა მნიშვნელოვან როლს ასრულებს ბავშვის განვითარებაში. მეცნიერებმა დაამტკიცეს, რომ ორსულობის დროს მუსიკის მოსმენა, არა მხოლოდ დედაზე აისახება დადებითად, არამედ ბავშვის თავის ტვინის განვითარებასაც უწყობს ხელს.   ორსულობის 16-18 თვის თავზე, ბავშვს პირველად შეუძლია ხმის გაგება. 24 თვის ბავშვი უკვე თავს აბრუნებს იმ მიმართულებით, საიდანაც ხმა ესმის. ორსულობის ბოლო თვეს ბავშვი უკვე ცნობს საკუთარი დედის ხმას.

  • მესამე ტრიმესტრში ბავშვს უკვე შეუძლია მელოდიის გაგება, ამიტომ კლასიკურ მუსიკას, იავნანას, ან მსგავს, წყნარ მელოდიებს ბავშვებზე დამამშვიდებელი ეფექტი აქვს.
  • მუსიკა ავითარებს სხვადასხვა სფეროს. განსაკუთრებით ენისა და მეტყველების და კითხვით უნარებს. მუსიკალურ ინსტრუმენტზე დაკვრას კი მათემატიკური უნარების გაუმჯობესება შეუძლია.
  • რეკომენდირებულია მუსიკის ძილის რუტინაში ჩართვა, რადგან წყნარი, რუტინული მუსიკა გულისცემას ანელებს, რაც ხელს უწყობს მალე ჩაძინებას. მიუხედავად იმისა გამოსდის თუ არა სიმღერა დედას/მამას, მათი ხმა ნაცნობია და დამამშვიდებელი ეფექტი აქვს ბავშვებისთვის.
  • ადრეულ ასაკში მუსიკა ხელს უწყობს გრძნობებისა და ემოციების გამოხატვას. ბავშვებს შეუძლიათ საკუთარი მელოდიებისა და ტექსტის მოგონება, რაც აუმჯობესებს მათ მეტყველების უნარს და ეხმარებათ მეხსიერების გავარჯიშებაში.

  • არტ-თერაპიაში მუსიკა ხშირად გამოიყენება კოგნიტური უნარების გასაუმჯობესებლად, კონკრეტულად კი – იზრდება ყურადღებისა და კონცენტრაციის ხარისხი.
  • ბევრ სკოლაში ითვლება, რომ მუსიკის გაკვეთილები ასევე ამცირებს ბავშვების შფოთვის დონეს.
  • რაც არ უნდა გასაკვირი იყოს, ითვლება რომ მუსიკამ შესაძლოა ხელი შეუწყოს ადამიანებთან კომუნიკაციას (თვალით კონტაქტი, თვით-შეფასება, ინიციატივის საკუთარ თავზე აღება.)
  • კოგნიტური უნარების გარდა, მუსიკა ფიზიკურ და მოტორულ განვითარებასაც უწყობს ხელს (ნატიფი და მსხვილი მოტორული უნარები.)

 

 

Share on facebook
Share on twitter
Share on linkedin
მსგავსი სიახლეები