“ხშირად პაციენტებს ჰგონიათ, რომ აქვთ სუნთქვის უკმარისობა, სინამდვილეში მათ პანიკური შიშის გამო აქვთ ნევროზული მოვლენები,“ – ამის შესახებ პულმონოლოგმა კახა ვაჭარაძემ დილის ფორმულაზე საუბრისას განაცხადა.

​​კახა ვაჭარაძე კოვიდ 19-ით ინფიცირებულ პაციენტებში სუნთქვის პრობლემების შესახებ საუბრობს და აღნიშნავს, რომ ადამიანებს ხშირად ეჩვენებათ, რომ მათ ჟანგბადი არ ჰყოფნით, რადგან ისინი პანიკაში არიან:

ასევე დაგაინტერესებთ: 5 მეთოდი პანიკური შიშის მოსახსნელად – ფსიქოლოგის რჩევები!

 

„ხშირად ​პაციენტებს, რომლებიც გვირეკავენ, პანიკური შიშის გამო აქვთ ნევროზული მოვლენები, რის გამოც მათ ჰგონიათ, რომ აქვთ სუნთქვის უკმარისობა. ეს გასაგებიცაა, რადგან ის ინფორმაცია, რომელიც მოდის ჩვენამდე საკმაოდ შემაშფოთებელია. ჩვენ არ უნდა გადაგვძალოს ემოციურმა ფაქტორმა. საკმარისია, ჩვენ გავიზომოთ სატურაცია. თუ ის არის 95-სა და 100-ს შორის, ჩვენ მშვიდად უნდა ვიყოთ. პულსოქსიმეტრები ჩვენ გვაქვს სააფთიაქო ქსელში, სპეციალიზირებულ აფთიაქებში. ის ყველგან ხელმისაწვდომია. დღეს არ არის ამის პრობლემა. აქედან გამომდინარე, ჩვენს პაციენტებს შეუძლიათ შეიძინონ ის და გამოიყენონ, როგორც იყენებენ თერმომეტრებს. პულსოქსიმეტრი თითის დისტალურ ფალანგზე უნდა მოთავსდეს და ის გვიჩვენეს სისხლში ჟანგბადის შემცველობას. ეს არის არაინვაზიური, მარტივი კვლევის მეთოდი, რომელიც არის ძალიან ეფექტიანი.“

დიალოგი- ფსიქოთერაპიის სახლი

კახა ვაჭარაძე აცხადებს, რომ ნერვიულობა პაციენტის მდგომარეობას ართულებს, ამიტომ ყველამ სიმშვიდე უნდა შეინარჩუნოს:

„პაციენტებს მოვუწოდებდი, რომ არ დაიძაბონ, არ ინერვიულონ. ხშირად სუნთქვის უკმარისობის პროვოცირება ხდება სრულიად მოწმენდილ ცაზე, როდესაც პაციენტი იგებს, რომ ის არის ინფიცირებული. კიდევ ერთხელ ვიმეორებ, რომ ​97-98 % დაავადების მიმდინარეობს მსუბუქი და საშუალო სიმძიმით. ის არ წარმოადგენს სიცოცხლისთვის საშიშროებას, თუმცა მის მონიტორინგს ძალიან დიდი მნიშვნელობა აქვს.“

კოვიდ 19-ით ინფიცირებულ პაციენტებს რეკომენდაციებს აძლევს პულმონოლოგი დავით ჭყონიაც, რომელიც ყველას ურჩევს უპირატესობა იშვიათ, მაგრამ ღრმა ჩასუნთქვებს მიანიჭონ:

„ცხვირით შესუნთქვას რა მნიშვნელობა აქვს? რამდენიმე ასპექტს გამოვყოფდი. როდესაც ჰაერი ცხვირიდან არის შესუნთქული, ის ცირკულირებს, ის დატენიანებულია. აზოტის მონოქსიდის შემცველობაც არის ცხვირის ღრუში, ისევე როგორც სისხლძარღვების ენდოთელიუმში. ეს ძალიან მნიშვნელოვანია. მას აქვს, როგორც მომადუნებელი, ასევე ანტივირუსული ეფექტი. ამიტომ ძალიან მნიშვნელოვანია ცხვირით შესუნთქვა და არა პირით. ღრმა ჩასუნთქვები და იშვიათი სუნთქვა უფრო კარგია, ვიდრე ხშირი და ზედაპირული სუნთქვა.“

მასალა მოამზადა: ნათია ხარბედიამ