“მშობლები მთელს ცხოვრებას უგეგმავენ შვილებს… და საბოლოოდ, მშობლები აუბედურებენ შვილებს!..” – პეტრე კოლხი

შვილის აღზრდა – ეს სიბრძნეა, თავისებური ფილოსოფია და ყველაზე რთული ცხოვრებისეული გამოცდილება!
ყველა მშობელს საუკეთესო უნდა შვილისთვის, მისთვის ცხოვრობს, იბრძვის, დაუღალავად შრომობს, რომ არაფერი მოაკლდეს და იყოს უზრუნველი… მაგრამ როცა საქმე მის მომავალს ეხება…
“მშობლები ზრდიან შვილებს, თავისთვის. არ ეკითხებიან, რა უნდათ, რა მისწრაფება აქვთ, ვინ უყვართ და საერთოდ, სად უნდა იდგნენ…
აყენებენ იქ, სადაც თავად უხარიათ და შვილებიც დგანან ძეგლებივით უემოციოდ… ქვაში გამოთლილ ზოგიერთ ქანდაკებას მეტი ემოცია აქვს, ვიდრე მოსიარულე სკულპტურებს.
მშობლები უნერგავენ, რა უნდა უნდოდეთ, რაზე უარი თქვან…
მშობლები აზომბირებენ შვილებს და მექანიკური მართვის სისტემაზე გადაჰყავთ.
ვთქვათ და მოულოდნელად ხელიდან გამოეცალოთ შვილებს მშობლები, თავადაც იცლებიან, სანამ სხვა არ წამოიწყებს მათ მექანიკურ ამუშავებას.
მშობლები საერთოდ არ იცნობენ შვილებს და არც მათი მისწრაფება აინტერესებთ.
თუ მამა ექიმია, მისი მემკვიდრეც აუცილებლად ექიმი უნდა გამოვიდეს. თუ მემკვიდრეც ექიმი იქნება, ,,ტრადიცია” არ უნდა დაირღვეს და რძალიც ექიმი უნდა შეიყვანონ სახლში… აბა სხვანაირად სირცხვილია, რას იტყვის ხალხი, მეზობლები, ნათესავები…
მშობლები ჯამბაზებად აქცევენ შვილებს და ეს ჯამბაზები მთელი ცხოვრება თამაშობენ…
მშობლები სულიერ მამებსაც ურჩევენ შვილებს… მშობლები მთელს ცხოვრებას უგეგმავენ შვილებს…
და საბოლოოდ, მშობლები აუბედურებენ შვილებს!..” – პეტრე კოლხი
Share on facebook
Share on twitter
Share on linkedin
მსგავსი სიახლეები